आमदार फारूक शाह यांच्या विकास कामांचा धडाका सुरूच.
महानगरपालिका क्षेत्रात मुलभूत सोयी सुविधांचा विकास योजने अंतर्गत धुळे शहरासाठी ५ कोटी मंजूर.
आमदार फारूक शाह यांनी मानले उपमुख्यमंत्री अजित दादा पवार यांचे आभार..
(धुळे दि. १८ डिसेंबर २०२१) धुळे शहरातील विविध भागातील नागरिकांनी आमदार फारूक शाह यांना प्रत्यक्ष भेटून नागरी सुविधा मिळत नसल्याच्या तक्रारी केलेल्या होत्या. यात शहरात ठिकाणी पावसाचे पाणी तुंबत असून चिखलात पडून अनेक नागरिकांना नाहक त्रासाला सामोरे जावे लागत होते. रस्ते व गटार नाही असे अनेक प्रश्न गेल्या अनेक वर्षांपासून प्रलंबित होता. अश्या ठिकाणी नविन काँक्रीट गटार आणि काँक्रीट रस्ते व्हावे अशी परीसरातील रहिवाश्यांची आणि तेथून वाहतूक करणाऱ्या नागरिकांची मोठ्या प्रमाणावर मागणी होती. याठिकाणी गटार आणि रस्ते नसल्याने नागरिकांची पावसाळ्यात तारांबळ होत होती. येणा-जाणाऱ्या नागरिकांना त्या रोड वरून जातांना लहान मोठे खड्डे व जमेलेले पाणी यातून वाहने घेऊन जाणे या सारख्या अनेक समस्यांचा सामना करावा लागत होता. या ठिकाणच्या नागरिकांची अडचण लक्षात घेऊन आमदार फारूक शाह यांनी नागरिकांना आश्वासन दिले होते कि आपल्याकडे लवकरात लवकर गटारीचे आणि रस्त्याचे काम मंजूर करू आणि सुरु देखील करू. त्याच शब्दाला जागून आज आमदार फारूक शाह यांनी महानगरपालिका क्षेत्रात मुलभूत सोयी सुविधांचा विकास योजने अंतर्गत धुळे शहरासाठी ५ कोटी मंजूर करून आणले आहेत. यासाठी आमदार फारूक शाह यांनी राज्याचे उपमुख्यमंत्री तथा वित्त व नियोजन मंत्री अजित दादा पवार यांच्याकडे साकडे घातले होते आणि सातत्याने पाठपुरावा सुरु होता. त्या पाठपुराव्याला यश आले असून धुळे महानगरपालिका क्षेत्रात मुलभूत सोयी सुविधांचा विकास योजने अंतर्गत धुळे शहरासाठी ५ कोटी रुपये मंजूर झाले आहेत. सदरचे काम मंजूर केल्याबद्दल धुळे शहराचे आमदार फारूक शाह यांनी उपमुख्यमंत्री अजित दादा पवार यांचे आभार मानले आहेत. गेल्या काही दिवसांपासून आमदार फारूक शाह यांनी विकास कामे मंजूर करून आण्याण्याचा धडाका लावला आहे.
