شہر کے ادبی جمود کو توڑنے والی انجمن، انجمن محبانِ ادب کی 161 ویں نشست مورخہ 18 ستمبر 2021 بروز سنیچر کو رات ساڑھے نو بجے آرٹس، کامرس اینڈ سائنس کالج قدوائی روڈ مالیگاؤں المعروف سٹی کالج میں ہوگی ـ جس کی صدارت بزرگ صحافی اور کہنہ مشق افسانہ نگار مدیر خیر اندیش جناب خیال انصاری صاحب فرمائیں گے اور مہمان خصوصی کی حیثیت سے ڈاکٹر عارف انجم (ڈین کامرس) اور ڈاکٹر شکیب احمد (وائس پرنسپل سٹی کالج)، پروفیسر رضوان خان ( فزیکل ڈائریکٹر سٹی کالج) اور ڈاکٹر الیاس وسیم صدیقی صاحبان شرکت فرمائیں گے ـ اس نشست میں جناب احمد شفیق اور جناب مبین نذیر صاحبان اپنی تخلیقات پیش کریں گے ـ پیش کی گئی تخلیقات کا تجزیہ بالترتیب ڈاکٹر شہروز خاور اور ڈاکٹر اقبال برکی صاحبان کریں گے ـ پیش کی گئی تخلیقات پر حاضرین کو تنقید و تبصرے کا موقع دیا جائے گا ـ نظامت کے فرائض نائب صدر انجمن جناب رئیس ستارہ صاحب انجام دیں گے ـ شہر کے تمام ادباء و شعراء، ادب نواز اور اردو دوست حضرات ، اساتذہ و طلبہ سے شرکت کی گزارش صدر و اراکین انجمن محبانِ ادب نے کی ہے ـ
No comments:
Post a Comment