افتتاحی تقریب
جنتادل سیکولر عوامی رابطہ آفس
_جنتادل سیکولر_ ہی مالیگاؤں شہر کی قدیم اور واحد سیاسی جماعت ہے جو عوامی کام کاج کے ذریعے آج تک رواں دواں ہے. ساتھی *نہال احمد صاحب* ہمیشہ پارٹی آفس کے ذریعے لوگوں کے سرکاری درباری کام کاج کروانے کیلئے رہنمائی کرتے رہے. *ساتھی بلند اقبال* نے بھی *نہال صاحب* کے بعد اس سلسلے کو دراز رکھا. پرانت، تحصیلدار، ایف ڈی او سمیت مختلف سرکاری محکموں میں شہریان کی نمائندگی اور انہیں درکار کاغذات حاصل کروانے کیلئے _جنتادل_ کی خدمات اظہر من الشمس ہے. شہریان کے پیلے راشن کارڈ بنانے سے لے کر بزرگوں کی پینشن ہو یا بنکروں کو سرکاری احکامات و مراعات کی تکمیل کیلئے لگنے والے کاغذات، ہر موقع پر پارٹی آفس سے بے لوث خدمات انجام دی گئیں. آج بھی حکومتی کاغذات کیلئے عوام کی اکثریت *نہال صاحب کی آفس* سے مستفیض ہوتی ہے. شہر کے غریب، مزدور طبقے سے لے کر طلباء اور بنکروں تک کی رہنمائی کی جاتی رہی ہے. _سوشلسٹ پارٹی_ سے _جنتادل سیکولر_ تک کے سفر میں عوام کا رشتہ پارٹی آفس سے برابر جُڑا رہا ہے.
موجودہ تکنیکی دور میں، شہریان کی سہولت اور شہر کی بڑھتی ہوئی آبادی کو ذہن میں رکھتے ہوئے _جنتادل سیکولر_ کی صدر *شانِ ہند نہال احمد صاحبہ* نے نئی و جدید سہولیات سے آراستہ رابطہ آفس کا قیام عمل میں لایا ہے. شہریان سمیت مختلف شعبوں سے تعلق رکھنے والوں کے مسائل کو حل کرنے، عوام کی معاونت کی روایت کو مزید مستحکم کرنے اور عوامی رابطے کیلئے مذکورہ رابطہ آفس بالکل تیار ہے جس کا افتتاح گاندھی جینتی کے موقع، یعنی *2 اکتوبر، بروز سنیچر، شام سات بجے، حنیف شوّال بنگلے کے پاس، دگڑو آئیل مل کے سامنے، جونا آگرہ روڈ* پر عمل میں آئے گا. آپ سے گذارش کی جاتی ہے کہ رابطہ آفس، بنام *شانِ ہند نہال احمد رابطہ آفس*، کی اس افتتاحی تقریب میں اپنے ساتھیوں کے ساتھ شرکت کریں.
No comments:
Post a Comment